2018 жылғы 16 сәуір Есіл ауданы Явленка тарихи-өлкетану мұражайында “Ордасы ұлы Абылайдың” атты “Абылай хан резиденциясы” мұражай кешенінің ашылуына 10 жыл толуына арналған жылжымалы көрменің ашылуы өтті. Көрменің ашылуы салтанатты түрде музыкалық сәлемдеме және Солтүстік Қазақстан облысы Явленка ауданы әкімдігінің “Мәдениет және тілдерді дамыту” КММ бөлімінің жетекшісі Кемелов Жеңіс Болатханұлының қатысуымен ашылды. Көрме Явленка тарихи-өлкетану мұражайында 2018 жылғы 27 сәуірге дейін қызметін көрсетеді.

 2018 жылдың 13 сәуірі күні “Рухани жаңғыру” бағдарламасын жүзеге асыру мақсатында №20 орта мектептің 2 және 4-сынып оқушылары “Абылай хан резиденциясы” мұражай кешенін аралады. Жалпы шолу экскурсиясы кезінде мұражай қызметкерлері өз алдарына келесі міндеттерді қойды: балаларға ұлтжандылық негіздері мен рухани құндылықтарды тәрбиелеу. Балалар мұражай экспозициясымен қызыға танысып, туған өлкелерінің тарихы жайлы өз білімдерін тереңдетті.

“Абылай хан резиденциясы” мұражай кешенінің ең жиі келушілері студенттер болып табылады. Жалпыұлттық “Рухани жаңғыру” жобасын жүзеге асыру мақсатында, “Рухани қазына” бағытында 2018 жылдың 30 наурызы мен 27 сәуірі аралығында М.Қозыбаев атындағы СҚМУ-нің “Қазақстан халықтары Ассамблеясы” кафедрасы ұйымдастырған “Мұражайдың ең белсенді келушілері” атты студенттік сайыс өткізуде. Іс-шара қазақстандық патриотизмді тәрбиелеуге бағытталып, сондай-ақ, жас ұрпақтың өз өңірінің тарихы және ұлы тұлғаларымен танысуға көмектеседі. Сайыс өз жалғасын табуда, бірақ бүгінгі күні мұражайдың белсенді келушілері ретінде “Тарих, экономика және құқық” факультетінің студенттерін жатқызуға болады.

2018 жылдың 09 сәуірі күні Аққайың ауданы Смирново с. Мәдениет ү йінде “Абылай хан Резиденциясы” мұражай кешенінің 10-жылдығына байланысты “Ордасы ұлы Абылайдың” атты жылжымалы көрмесінің ашылуы өтті. Көрменің ашылуына Аққайың ауданы әкімінің әлеуметтік, тұрмыстық-коммуналдық және құрылыс жұмыстары бойынша орынбасары Сарсымбаев Самат Қанатұлы, сонымен қатар Смирново с. тұрғындары қатысты. Көрме 2018 жылдың 16 сәуіріне дейін Мәдениет үйінде жұмыс істемек.

2018 жылдың 04 сәуірі күні жалпыхалықтық «Рухани жаңғыру» жобасы негізінде, «Рухани қазына» бағыты бойынша «Абылай хан Резиденциясы» Мұражай кещенінде Петропавл қаласы темір жол көлігі ардагерлері үшін «Асыл қазына» атты қайырымдылық іс-шарасы өткізілді.

Ардагерлер үшін мұражай экспозицисымен танысу ұйымдастырылды. Бұл іс-шараның ерекшелігі – тақ залында экскурсияны №17 ұлттық жаңару мектеп кешенінің тоғызыншы сынып оқушысы Нургузина Жанна өткізді. Ол 2017 жылы қалалық «Жас экскурсия жүргізуші» байқауының жүлделі орын иегері.