ЮНЕСКО тізімі мен республикалық маңызы бар тарихи-мәдени объектілерге сенбілік өткізілуде
Осындай «Республикалық киелі жерлер картасына» енгізілген ғимараттардың бірі — «Абылай хан резиденциясы». 2023 жылғы 14 қыркүйек күні Ұлы мемлекеттік қайраткері, дипломат үш жүздің басын құраған – Абылай ханға арналған Ақ үйінің территториясының қақ ортасында орналасқан «Абылай ханның ат үстіндегі» көрнекті ескерткішіне, мемлекеттік деңгейдегі болып табылатын тарих және мәдениет ескерткіштерін қорғау, оларды зерттеу мен насихаттау шараларын ұйымдастырып, бүтін халықтың баға жетпес асыл қазынасы тарихи-мәдени мұраларымызды бүлінуден, зақым келтіруден қорғап, келешек ұрпақты өз елінің мәдениетіне, өткен тарихына жанашырлықпен қарауға, ұлтжанды етіп тәрбиелеу мақсатында тазалық күні өткізілді. Шараға орта буын өкілдеріннен Қазақстан Республикасының Президенті грантының иегері, Журналистер одағы сыйлығының лауреаты, Мәдениет қайраткері, Есіл ауданының құрметті азаматы, «Егемен Қазақстан» газетінің тілшісі, жазушы, «Абылайдың ақ үйі» кітабының авторы Жақсыбай Самрат ағамыз бен «Amanat» партиясының облыстық филиалының басшысы Жеңіс Мұхтарұлы Асанов қатысты.
«Абылай хан резиденциясы» музей кешенінің ашылуына 15 жыл толуына орай «Абылай хан — ерлік дәуірінің ерен тұлғасы» Республикалық ғылыми-практикалық конференция
2023 жылдың 25 тамыз күні С.Мұканов атындағы облыстық әмбебап ғылыми кітапханасында «Абылай хан резиденциясының» ашылуына 15 жыл толуына орай ұйымдастырылған «Абылай хан — ерлік дәуірінің ерен тұлғасы» атты Республикалық ғылыми-тәжірибелік конференция өтті. Конференцияда ғалымдар, тарихшылар, өлкетанушылар, қоғам қайраткерлері баяндама жасады. Олар өз баяндамаларында Абылай хан резиденциясы музейінің Қазақстан азаматтарын тарихи және патриоттық тәрбиелеу ісіндегі маңызды рөлін атап өтті. Оқылған мақалалардан жинақ шығарылды,ол барлық қатысушыларға таратылды.
Онлайн-экскурсия
2020 жылдың 20 тамызы күні “Абылай хан резиденциясы” музей кешені Instagram парақшасының тікелей эфирінде алғашқы рет онлайн-экскурсия ұйымдастырды. Көрермендер Петропавл қаласының №20 орта мектебінің оқушылары. Оқушылар үйде отырып музейдің залдарын тамашалап, экспозициямен танысты.
Жаңа технологиялардың арқасында қолжетімді формада музейді басқа қырынан көрсету мүмкіндігі туады, сондай-ақ көрермендердің жәдігерлерге деген жаңа тынысын ашады.
Алдағы уақытта осындай онлайн-экскурсия форматының үнемі жүріп отыруы жоспарлануда.
Мұражайға сый
Абылай хан резиденциясы мұражай кешені “Мұражайға сый” науқанын жалғастырады. Сіздерді мұражайды тамашалауға шақырамыз. Және өз өлкеміздің тарихы мен мәждениетін танып-білуде құнды болатын сыйды қабылдаймыз.
Науқанның негізгі мақсаты қазақ халқының тарихи-мәдени мұрасын сақтау мәселесіне қоғамның назарын аудару болып табылады. Қабылданған сыйлар қазыргі нақты заңнамаға сәйкес Абылай хан резиденциясының қорына беріледі.
Барлық сыйлаушыларға сыйға тартқан барлық заттар үшін ресми құжаттар беріліп, алғыс хаттар мен кіру билеттеріне ие бола алады.
