«Солтүстік Қазақстан облысы киелі жерлер картасы» дәріс
2023 жылғы 20 қыркүйек Есіл аудандық тарихи-өлкетану музейінде Явленка селосының тұрғындары «Солтүстік Қазақстан облысы киелі жерлер картасы» тақырыбында киелі жерлер бойынша саяхатқа шыққандай әсер алды. Дәрісті музей кешенінің 15 жылдығына орай «Абылай хан резиденциясы» қызметкерлері ұйымдастырды.
М. Жұмабаевтың туыстары және зиялы қауым өкілдері музейде
«Абылай және оның заманы» атты көрме
29 маусым күні Қызылорда қаласында «Абылай хан резиденциясы» музей кешенінің қызметкерлері «Абылай және оның заманы» атты жылжымалы көрмесін ашты. Көрмеде Омбы, Санкт-Петербург қалаларынан Абылай ханның өмірі, сондай-ақ Абылай сұлтанға арналған үй құрылысы туралы мұрағаттық материалдар ұсынылды.
Көрмеде сол кезеңдегі түпнұсқа экспонаттар, атап айтқанда сауыт, дулыға, қылыш, найза ұштары, берен мылтық ұсынылған.
Көрме «Абылай хан резиденциясы» музей кешенінің ашылуының 15 жылдығына орайластырылған.
Сонымен қатар, біздің музей мен Қызылорда облысының музейі арасында меморандумға қол қойылды.
Құттықтаймыз!
Мәдениет және өнер қызметкерлері күні «Абылай хан резиденциясы» музей кешенінің тарих және экспозиция жасап маманы Күлнәр Жияншенқызы Жұмабекова “Мәдениет саласының үздігі” төсбелгісімен, экскурсиялық көпшілік жұмыстар бөлімінің жетекшісі Назгүл Абайқызы Бейсембина ҚР министрінің “Алғыс хатымен” және музейдің бағдарламашысы Александр Иванович Черниченко облыс әкімінің “Құрмет грамотасымен” салтанатты түрде марапатталды. Әріптестерімізді шын жүректен құттықтаймыз! Әрқашан жетістіктерге жете беріңіздер! Еңбектеріңіз әрдайым бағалана берсін!
«Айғаным сары дала қызы» атты көрме
2023 жылы біздің өлкеміздің XIX ғасырдағы көрнекті қайраткерлерінің бірі Айғаным Сарғалдаққызының туғанына 240 жыл толады. Ол тарихқа немересі Шоқан Уәлихановтың тәрбиесіне үлкен әсер еткендіктен ғана емес, күйеуі Уәлі хан қайтыс болғаннан кейін Сырымбет рулық мүлкін басқаруды өз мойнына алды.
2023 жылдың 16 мамыр Халықаралық музейлер күніне және «Абылай хан резиденциясының» 15 жылдығының ашылуына орай ұйымдастырылған Солтүстік Қазақстан облысы Ш. Ш. Уәлиханов атындағы Сырымбет тарихи-этнографиялық музейінің қорынан Айғанымның 240 жылдығына арналған «Айғаным сары дала қызы» атты жылжымалы көрме ашылды.
Көрмеге Айғаныммен және Уәлихановтар отбасына байланысты 30-дан астам экспонат қойылды: Уәлихановтар отбасының фотокөшірмелері, Ш. Уәлихановтың жорықтық сандығы, Шоқан әкесінің алтын жіппен кестеленген белбеуі, Шоқанның інісі Мақының сүйектен жасаған сандығы, Айғаным ханымның қамзолы, XIX ғ. жауынгер сауыты және т. б.
1 бет. Барлығы: 104
