2020 жылғы 17 ақпан күні кезекті “Жас өлкетанушы” үйірмесі өтті. Бұл жолы жас өлкетанушылар 1752 жылы негізі салынған ұлы Петр мен Павел қамалының орындарына барып қайтты. Үйірмеге өңірімізді танымал өлкетанушысы Дубровин Виктор Константинович қатысып, балаларға Петропавл қамалының тарихы жайында өте қызықты да, маңызды мағлұматтар берді. Балалар бұл жолы да әсерлі сезім алып қайтты.
2020 жылғы 22 қаңтар қаламыздың №2 орта мектебінде “Белсенді өлкетанушылар Форумы” өтіп, №2, 8, “Дарын” мектеп-лицейі мен “Бэст” гимназиясының оқушылары қатысты. Шарада музейдің бас қор сақтаушысы жас өлкетанушыларға “Абылай хан резиденциясы” қызметі мен “Жас өлкетанушылар” үйірмесі өткізіліп жатқаны жайында айтып, қызықты ақпараттармен хабардар етті. Үйірме музей қабырғасында 3 жыл көлемінде жүргізілуде.
2020 жылдың 17 қаңтар күні қазақ мектеп гимназиясының музейінде “Жас өлкетанушылар” үйірмесі өткізілді. Үйірмеге қатысушылар Ұлы Отан соғысының ардагерлерімен, мектеп тарихымен, құнды зергерлік бұйымдарымен қызықты жәдігерлермен таныстырылды. Қазақтың Ұлы ақыны, ойшыл, ағартушы Абайдың 175 жылдығына арналған шығармалар көрмесі ұсынылды. “Жас өлкетанушылар” үйірмесіне көптеген мағлұматтар алып, өлкеміздің тарихына қызығушылық арттырды.
2020 ж. 17.01 жылы “Жас өлкетанушы” үйірмесінің кезекті сабағы өтті. Үйірмеге қатысушылар Қазақстан Конституция көшесі бойындағы және Ж. Жабаев көшелерінің қиылысындағы орналасқан үйлермен, сол жерлерде тұрған адамдардың тарихымен танысып, облыстық тарихи-өлкетану музейін тамашалап өтті.
2019 жылғы 19 желтоқсан “Жас өлкетанушы” үйірмесінің қатысушылары ІІД музейінің экспозициясымен танысты. Балалар облысымыздың қорғаныс күштерінің көптеген қыр-сырларымен танысты.
