2018 жылдың 26 сәуір күні “Абылай хан резиденциясы” мұражай кешенінде Мағжан Жұмабаевтың 125-жылдығына орай “Мағжанның ұлы мұрасы – ұрпақтар бірлігінің негізі” әдеби-сазды іс-шарасы өткізілді. Іс-шараға Мағжан Жұмабаевтың ұрпағы – Бекенов Т. С., М. Жұмабаев атындағы колледждің оқытушылары мен студенттері, облыстық архив және мұражай қызметкерлері қатысты. Тақырыптық көрме ұйымдастырылды. Көрмеде Мағжан Жұмабаевтың өмірі мен қызметі жайында архив құжаттары ұсынылды. Іс-шарада ақынның туған жеріне, еліне деген шынайы махаббаты суреттелетін өлеңдері мен әндері орындалды.
