2018 жылдың 16 тамызы күні “Рухани жаңғыру” бағдарламасы аясында “Арман” балабақшасының тәрбиеленушілері “Абылай хан резиденциясы” мұражай кешеніне келді. Сонымен қатар іс-шара “Абылай хан резиденциясы” КМҚК 10-жылдығына орайластырылған. Мұражай қызметкерлерінің экскурсия жүргізудегі басты мақсаты – мектепке дейінгі балаларды қазақ халқының әдет-ғұрыптары мен оның тарихын білуге, тәрбиенің негізі ұлтжандылық пен рухани құндылықтарды баулу. Балалар мұражай экспозициясымен қызыға танысып, туған өлкенің тарихын білді. Экскурсия мәресіне жеткесін, балалар ұлттық алтыбақанда тербелді.
