20 ақпан “Абылай хан резиденциясы” мұражай кешенінде СҚО Мағжан Жұмабаев аудандық тарихи-өлкетану мұражайы ұйымдастырған “Қолөнер – сырлы өнер” жылжымалы көрмесінің ашылу салтанаты болды. Көрмеге өткен ғасырлардағы адамдардың тұрмысы мен өмірі жайында тарихи қызығушылық танытатын 30 -дан астам жәдігер қойылды.

Көрменің мақсаты мен міндеттері:

  • Рухани жаңғыру бағдарламасы аясында СҚО тұрғындарын М. Жұмабаев ауданы тарихи-өлкетану мұражайының жәдігерлерімен таныстыру.
  • Келушілердің өлке тарихына деген қызығушылығын тудыру.

19 ақпан күні “Абылай хан резиденциясы” мұражай кешенінің қызметкерлері “Дарын” мектеп-лицейінің оқушыларына “Қазақ халқының сәндік-қолданбалы өнері” атты мәдени-танымдық бағдарлама өткізді. Іс-шараның мақсаты оқушыларды ұлттық мәдениетке баулып, қазақтың сәндік-қолданбалы өнерінің түрлерімен таныстырып, ұлттық өнерге деген махаббатты бойларына сіңіре отырып, туған өлкенің мәдениетін танып-білуге қызығушылықтарын арттыру болып табылады.

15 ақпан күні “Абылай хан резиденциясы” мұражай кешенінің қызметкерлері “Дарын” мектеп-лицейінің оқушыларына “Қазақ халқының сәндік-қолданбалы өнері” атты мәдени-танымдық бағдарлама өткізді. Балаларға қолданбалы өнердің даму кезеңдері түсіндіріліп, қолөнершілердің түрлі жұмыстары көрсетілді. Оқушылар өздерін шығармашылықтары жағынан шыңдады, өздері кілеп тоқып, киімді ою-өрнекпен безендірді.

Қазақ халқының мәдениетін толықтай ашу үшін балаларға қазақтың ұлттық ойындары ұсынылды.

15 ақпанда “Абылай хан резиденциясы” музей кешенінде Олимпиадалық резервтегі Солтүстік Қазақстан арнайы мектеп-интернат оқушыларына “Ұлы даланың ұлы есімдері” тақырыбына тарих сабағы өткізілді.

Қазіргі уақытта музей тек мәдениет қана емес, сонымен қатар оқу кеңістігі болып саналады. Музей шарттарында балалар пәндік-кеңістік ортаға түседі, Қазақ халқының 18 ғасырдағы тарихи оқиғаларынан хабардар болады, Абылай ханның мемлекетті құрудағы ролін көбірек біледі.

Музейдің тарих сабағын музей қабырғасында өткізуде білім мекемелерімен бірлесе жұмыс жасауында көптеген тың дүниелер қолданылады. Олар: залдағы экспозиция, сондай-ақ құрал-жабдықтар. Музейдегі тарих сабағы инновациялық педагогикалық технология бола тұра барлық заманауи талаптарға сәйкес келеді.

2019 жылдың 14 ақпаны күні мұражай кешенінің қызметкерлері “Солтүстік Қазақстан облысының киелі картасы” мұражай сабағын өткізді. Іс-шара барысында 7–11 сынып оқушылары облыстың киелі жерлеріне саяхат жасады.

Киелі жерлер балаларды қызықтырды, көптеген сұрақтар қойылды. Нұрбол Болатбекті қазіргі күні Айыртау ауданы, Бірлестік ауылында орналасқан қорғандардың зерттелмегені алаңдатты. Мұражай сабақтың соңында 10б сыныптың оқушысы Ыбырай Еркін “Асыл ана” әнін, мектеп тәрбиешісі Жанипа Сейтказықызы Манбетеева мен 11б сыныптың оқушысы Баскакова Надежда туған жер туралы әндер орындады.