2018 жылдың 25 қыркүйегі күні жалпыхалықтық “Рухани жаңғыру” жобасы аясында “Абылай хан резиденциясы” мұражай кешенінде ҚР ҰҚК шекара қызметінің “2032 Әскери бөлімі” жиынының қатысушыларына экскурсия ұйымдастырылды. Жиынға келген Солтүстік Қазақстан облысы аудандарының шекаралық бөлімдердің басшылары мұражай экспозициясымен, сондай-ақ, қонақтар Қостанай облыстық Ыбырай Алтынсарин мемориалдық музейінің “Кел,балалар, оқылық!” атты жылжымалы көрмесімен танысты.

2018 жылдың 25 қыркүйегі күні “Абылай хан резиденциясы” мұражай кешенінің қызметкерлері №1 коррекциялық мектеп-интернатының оқушыларына Қазақстан халықтарының тілдері күніне арналған интерактивті іс-шара өткізді. Қазақ халқының ғасырлар бойы тарих толқынында өмір сүруіне не көмектесті? Неге мәдениет құрып кетпеді? Ұлы Дала Әлемдік аренада қалай тәуелсіз ел атанды? Балалар бұл сұрақтарға жауап тапты. Ол –тіл. Тіл көпұлтты мемлекеттің мәдениетін сақтауда шешуші рөл атқарды.

Қазақстан мен Ресей арасындағы халықаралық қарым-қатынас Форумы аясында 2018 жылдың 21 қыркүйек күні Омбы, Қорған, Түмен қалаларының  “Ресейлік студенттер отряды” жастар ұйымының жетекшілері “Абылай хан резиденциясы” мұражай кешеніне келді.

Мұражай экспозициясынан бөлек, Ыбырай Алтынсариннің Қостанай облыстық мемориалдық музейінен “Кел, балалар, оқылық!” атты жылжымалы көрмесімен танысты.

“Рухани жаңғыру” бағдарламасын жүзеге асыру аясында 21 қыркүйек күні “Батыр” балабақшасының тәрбиеленушілері “Абылай хан резиденциясы” мұражай кешеніне келді. Экскурсия жүргізу барысында мектепке дейінгі балаларды ұлтжандылыққа, рухани құндылықтарға, қазақ халқының тарихы мен салт-дәстүрлерін дәріптеу міндеттері басшылыққа алынды. Балалар Абылай ханның өмірі мен шығармашылығы туралы ақпарат алып, мұражай экспозициясымен аса қызығушылықпен танысты.

2018 жылдың 19 қыркүйегі күні еліміздегі бейбітшілік, достық пен келісімнің белгісі болған Қазақстан халықтарының тілдері күні қарсаңында “Абылай хан резиденциясы” мұражай кешенінің қызметкерлерімен “Батыр” балабақшасының тәрбиеленушілеріне арнап “Тіл байлығы – ұлт байлығы” атты мәдени-танымдық бағдарлама өткізілді. Іс-шараның басты мақсаты балаларға өз халқының және еліміздегі барлық тұрып жатқан ұлт өкілдерінің мәдениеті мен салт-дәстүрлеріне деген сыйластық және құрмет сезімін тәрбиелеу болып табылады.

Балалар түрлі ұлттардың өкілдерімен танысып, әр түрлі тілдерде амандасуға үйренді. Ұлттық әндердің сүйемелдеуімен балалар би билеп, ұлттық ойындар ойнады. Іс-шараның соңында бейбітшілік пен достықтың белгісіне айналан әдемі шаңырақтың астында би орындалды.