2019 жылдың 25 сәуірі күні “Абылай хан резиденциясы” мұражай кешеніне Полудинский балалар үйінің тәрбиеленушілері экскурсияға келді. Балалар 18 ғасырдағы Қазақ хандығының маңызды саяси тұлғаларының бірі Абылай ханның қызметі және өмір тарихымен танысты.

24 сәуір күні “Абылай хан резиденциясы” мұражай кешенінің қызметкерлері қалалық №9 орта мектеп оқушыларына “Қазақ халқының сәндік-қолданбалы өнері” атты бағдарлама өткізді. Іс-шара барысында балалар сәндік-қолданбалы өнердің үлгілері және түрлерімен танысты. Балалар қолданбалы өнер шеберлерінің жұмыстарымен танысып, өздері де кілем тікті. Сондай-ақ, ою-өрнек түрлерін біліп, ұл бала мен қыз баланың ұлттық киімдерін оюмен безендіруді үйренді. Естелікке мектеп оқушылары ұлттық оюдың бояу қағазын алды.

2019 жылғы 19 сәуір күні Сергеевка қаласының №3 орта мектебінің 8–9 сынып оқушылары “Абылай хан резиденциясы” музей кешенінің қызметкерлері өткізген “СҚО сакралды картасы” тақырыбындағы мұражай сабағына қатысып, Солтүстік Қазақстан облысының киелі жерлеріне саяхатта болып қайтты.

2019 жылғы 19 сәуір “Абылай хан резиденциясы” музей кешенінің қызметкері И. Шухов атындағы қалалық орталық кітапханада өткен “Ұлы даланың жеті қыр” мақаласы аясында өткен конференцияда “Ұлы тұлғалар. Абылай хан” атты тақырыпта баяндама оқыды.

2019 жылғы 17 сәуір күні Халықаралық ескерткіштер мен тарихи орындар күні музей кешенінде мұражай сабағы өтті. Шараға “Өнер колледжі – музыкалық-эстетикалық бейімдегі дарынды балаларға мамандандырылған мектеп-интернат” кешені” КММ 8 сынып оқушылары қатысты. Балалар СҚО киелі жерлер картасы мен тарихи-мәдени орындармен “Тарихи-мәдени мұраны қорғау және пайдалану орталығы” КММ жұмыстарымен танысып, музей кешенінің залдарына экскурсиялық шолулар жасады. Тарихи-мәдени мұраны қорғау және пайдалану орталығының қызметі жөнінде балаларды осы орталықтың бөлім меңгерушісі Баймусенов Жанат Оразбекұлы таныстырды.