17 қаңтар “Абылай хан резиденциясы” мұражай кешенінің қызметкерлерімен “Колокольчик” балабақшасының тәрбиеленушілеріне “Музыкалық сандық” мәдени-танымдық бағдарламасы өткізілді. Іс-шараның негізгі мақсаты балаларда өз ұлтының ғана емес, сонымен қатар өз туған өлкеңде тұрып жатқан басқа да ұлт өкілдерінің мәдениеті мен салт-дәстүріне деген құрмет сезімін тәрбиелеу болып табылады.

Балалар әр түрлі халықтың ұлттық музыкалық аспаптары туралы өз білімдерін кеңейтті. Сондай-ақ, олар музыкалық жұмбақтарды шешіп, би билеп, ұлттық ойындар ойнады.

Балалар домбыраның шығу тарихы туралы аңызбен танысты. Әуендердің сарынын анықтау мақсатында Н. А. Бейсембинаның орындауында музыкалық композициялар орындалды. Сондай-ақ, Қазақстанда 2018 жылдан тойланатын – Ұлттық домбыра күні мерекесі туралы білді. Іс-шараның қорытынды бөлімінде балаларға домбыра пішініндегі кітапбелгі естелікке сыйланды.

2018 жылдың 15 желтоқсан күні “Абылай хан резиденциясында” Қазақстан Республикасының Тәуелсіздік күні қарсаңында, “Нұр Отан” партиясы қалалық филиалының төрағасының орынбасары К. Т. Мұқышевтың қатысуымен салтанатты жиын өтті.

Іс-шара барысында Кеңес Таңатарұлы мұражайдың қызметкерлеріне партиялық билеттерді табыстады.

2018 жылдың 13, 14 желтоқсан күні “Абылай хан Резиденциясы” мұражай кешенінің қызметкерлерімен ҚР Тәуелсіздігіне орай “Алтын бесік”, “Нұр бала” балабақшалары тәрбиеленушілеріне мәдени-танымдық бағдарламалар өткізілді.

Балабақша тәрбиеленушілері, көп ұлтты ел, ҚР мемлекеттік символдары сияқты ұғымдармен танысты.

Әр ұлттың тіліне, Отанға деген махаббат, Қазақ халқының салт-дәстүрлеріне деген сыйластық ұлттық ойындар, әндер, шаңырақ төңірегіндегі билермен көрсетіліп, балаларды патриоттық сезімге бөледі.

2018 жылдың 12 желтоқсан күні “Абылай хан Резиденциясы” мұражай кешенінің қызметкерлерімен ҚР Тәуелсіздік күніне орай № 1 орта мектептің 8 сынып оқушыларына мәдени-танымдық бағдарлама өткізілді.

Іс-шара барысында оқушылар зияткерлік ойынның 5 кезеңінен өтті: “Бәйге”, “Полиглот”, “Өз ойыным”, “Сандықша”, “Сатылым” және “Тұлғалар тарихы”.

Іс-шара балалардың жүрегіне патриоттық сезімді, махабатты ұялатуға бағытталған. Қазақ халқының тарихи мұрасына, мәдениетіне сыйластықпен, қызығушылықпен қарауға баулу.

2018 жылдың 7 желтоқсаны күні “Абылай хан резиденциясы” мұражай кешеніне Ресейдің Волгоград, Түмен қалаларынан, сондай-ақ, Қарағанды және Көкшетау қалаларынан мектеп оқушылары экскурсияға келді. Оқушылар Петропавл қаласына Қазақстан мен Ресейдің балалар ұйымдары көшбасщыларының Халықаралық кездесуінің қатысушылары ретінде келді.