2021 жылдың 13 сәуірінде сағат 11.00-де Абылай хан резиденциясында Кеңес Одағының Батыры, академик, жазушы, қоғам қайраткері М. Ғабдуллинге арналған көрме. Сонымен қатар 2020 жылы жарық көрген “Жемісті жылдар” атты кітап-альбомының, “Мен Халық ұлымын” шығармасының және екі тілде жарық көрген “Қазақ баласы”, “Сын Казаха” кітаптарының тұсаукесері өтті. Көрме М. Ғабдуллин музейінің 25 жылдығына орай ұйымдастылды.
Абылай хан Резиденциясының қызметкерлері көрнекті қоғам және мемлекет қайраткері, тарихшы, ғалым, этнограф Әлихан Бөкейхановтың 155 жылдық мерейтойы аясында “Әлихан Бөкейханов — ұлттық Тәуелсіздіктің жаршысы” атты жылжымалы көрмені ұйымдастыруды жалғастыруда. Бұл жолы 2021 жылдың 7 сәуірінде Солтүстік Қазақстан жоғары медициналық колледжіне барды. Студенттерге Ә. Бөкейхановтың өмір жолы, қызметі және Қазақстан тарихына қосқан үлесінің маңызы туралы дәріс оқылды. Сонымен қатар оқушылар мұрағат құжаттарымен танысты. Колледжде көрме 7–12 сәуір аралығында жұмыс істейді.
