2018 жылдың 14 тамызы күні “Абылай хан Резиденциясы” мұражай кешеніне РФ Түмен облысы Ялуторовск қ. №6 арнайы білім қажеттіліктері бар мектеп-интернатының оқушылары мен қызметкерлері келді. Мұражай экспозициясымен ғана танысып қоймай, қонақтар барша түркі халқы бас иетін, киелі Түркістаннан келген “Әзірет Сұлтан” Мемлекеттік тарихи-мәдени музей-қорығының “Киелі Түркістан” жылжымалы көрмесі жәдігерлерімен танысты.
2018 жылдың 14 тамызы “Мүгедектерді оңалту орталығы” КММ емделушілері “Әзірет Сұлтан” Мемлекеттік тарихи-мәдени музей-қорығының “Киелі Түркістан” жылжымалы көрмесіне келді. Қонақтар барша түркі халқы бас иетін, киелі Түркістанның жәдігерлерімен танысты.
2018 жылдың 09 тамызы күні “Әзірет Сұлтан” Мемлекеттік тарихи-мәдени қорық-мұражайының “Киелі Түркістан” жылжымалы кқрмесімен ҚР ҰҚК шекара қызметі Академиясының түлектері танысты. Жас түлектер еліміздің барлық өңірінен жиналды. Мұражай қонақтары Түркістанның Қазақстан тарихында алатын тарихи, рухани-мәдени рөлін біліп қайтты.
9 тамыз күні “Абылай хан резиденциясы” мұражай кешенінің қызметкерлері “Малыш” балабақшасының тәрбиеленушілеріне “Қазақ халқының сәндік-қолданбалы өнері” атты мәдени-танымдық бағдарлама өткізді. Іс-шара барысында балалар сәндік-қолданбалы өнердің үлгілері және түрлерімен танысты. Балалар қолданбалы өнер шеберлерінің жұмыстарымен танысып, өздері де кілем тікті. Сондай-ақ, ою-өрнек түрлерін біліп, ұл бала мен қыз баланың ұлттық киімдерін оюмен безендіруді үйренді. Естелікке балабақша тәрбиеленушілері ұлттық оюдың бояу қағазын алды.
2018 жылдың 7 тамызы күні “Абылай хан резиденциясы” мұражай кешеніне “Петропавл қаласы ішкі істер басқармасының” қызметкерлері келіп, “Әзірет сұлтан” мемлекеттік тарихи-мәдени қорық-мұражайының “Киелі Түркістан” жылжымалы көрмесімен танысты. Олар аса қызығушылықпен Қабанбай батырдың қанжары мен тайқазанды тамашалады.
