“Абылай хан резиденциясы” музей кешенінде үш жылдан бері “Туған жер” жобасы аясында “Жас өлкетанушылар”үйірмесі жұмыс істейді. Мұнда өңіріміздің өрендері облыс тарихын терең зерттеуге ден қоюда.

Соңғы уақытта үйірме мүшелері зерттеу нәтижелерін оқушыларға, сондай-ақ, алдыңғы толқынға таныстыруды бастады. Қасиетті Қызылжар өңірінен шыққан тарихи тұлғаларды, олар дүниеге келген орындарды зерделеп жүрген Мирас Құрманғалиев Аққайың ауданының еңбек ардагерлеріне “Абылай және оның өмірі” атты тақырыпта экскурсия жүргізді. Аға буын өкілдері жас өлкетанушының жұмысына сәттілік тілеп, ақ батасын берді.

“Жас өлкетанушылар” үйірмесінің қатысушылары облысымыздың киелі жерлеріне, музейлерге, архивтерге жиі саяхат жасайды. Киелі жерлер жайында мағлұматтар жинап, экспозиция материалдарымен танысуды да мақсаттарына айналдырды. Бастауыш сынып оқушыларын туған өлке туралы мақалалар, реферат жазуға баулып,өз ойларымен бөліседі.

Жұмабекова Гүлнәр
“Абылай хан резиденциясы” тарихи-ғылыми зерттеу бөлімінің қызметкері

“Абылай хан резиденциясы” музей кешені қызметкерлерінің ұйымдастыруымен Солтүстік Қазақстан кәсіптік педагогикалық колледжінің студенттері үшін ашық аспан астында дәріс өтті. “XVIII ғасырдың екінші жартысындағы Абылай ханның ішкі және сыртқы саясаты”атты тақырыпта өрбіген дәрісте музейдің тарихи-ғылыми зерттеу бөлімінің жетекшісі Бауыржан Жүнісов студенттерге ханның өмірі жайлы әңгімеледі. Лектор қазақты бір тудың астына біріктіруді ойлаған тарихи тұлғаның ерлігіне тоқталды. Жастар да аса ірі қайраткердің өмірі жайлы сөз қозғап,өз ойларын ортаға салды. Жерімізді жаудан қорғаған батырлардың соғыс құралдары көрмеге қойылды. Айбалта,садақ,қолшоқпар мен найзаға қызығушылық танытқан студенттер XVIII ғасырға тән жәдігерлерді тамашалады.

Жұмабекова Гүлнәр
“Абылай хан резиденциясы” тарихи-ғылыми зерттеу бөлімінің қызметкері

Президент Қасым-Жомарт Тоқаевтың Қазақстан халқына Жолдауын мұқият оқып шықтым. Осынау маңызды құжаттан әркім алдымен өзіне керекті жағын іздейді ғой. Мен де одан өзім және әріптестерім үшін өте қажетті мәселелерге жауап іздеген едім. Сол жауапты көріп, қатты қуанып қалдым.

Барлық жұмысқа тиянақтылық, ынта мен ыждаһаттылық тек еңбекке лайықты деңгейде ақы төленгенде ғана болатыны белгілі. Бәріміз де күн көрісіміздің жалғыз көзі – еңбекақымыздың жоғарылау болғанын қалаймыз. Ұзақ жылдар мәдениет саласында еңбек етіп келе жатқан біздің де арманымыз сол. Еңбекақымыз лайықты болса тұрмыстық деңгейіміз де арта түседі деп үміттенеміз.

“Týady erler el úshіn,

Ólmeıdі іzі máńgіlіk.

Óshpeıdі abzal esіmder,

Urpaqqa jetіp máńgіlіk”, – dep aqyn Juban Moldaǵalıev jyrlaǵandaı, batyrlarymyzdyń erlіgіn úlgі etý maqsatynda“Abylaı han rezıdensıasy” murajaı keshenіnde “Urpaqqa uran – uly tulǵa” atty shara óttі. Aqtyq demі qalǵansha týǵan jerіnіń qamyn oılap, elіmіzdі táýelsіz etý jolynda janyn pıda etken batyrlarymyzdy qurmet tutýdyń mańyzy zor. Sebebі, jas býyn ókіldegі osyndaı alyp tulǵalarymyzdyń erlіgі negіzіnde tárbıelenýі tıіs. Bіz shara barysynda mektep oqýshylarymen kezdesіp, olarǵa jaýdy oısyrata jee bіlgen Qabanbaı, Bógenbaı men Naýryzbaı batyrlardyń erlіk іsterі jaıynda áńgіmeledіk. Jeltoqsan oqıǵasyna qatysqan jastardy tanytý maqsatynda slaıd jasadyq. Taqyrybymyzdy búgіngі kúnmen baılanystyrýǵa den qoıyp, naǵyz sarbaz qandaı bolýy tıіs degen dárіs oqydyq. Balalarǵa batyrlardan qalǵan jáne osy zamandaǵy qarý-jaraqtar tanystyryldy. Sharamyzdyń ekіnshі bólіmіnde “Ǵajaıyptar alańy”, “Áskerı bılet”, “Kazarmada” syndy ınteraktıvtі sharalar óttі.

Gýlnar Jýmabekova,
“Abylaı han rezıdentsııasy” tarıhı-ǵylymı zertteý bólіmіnіń qyzmetkerі