Олимпиадалық резервтегі облыстық мамандандырылған мектеп интернат-колледжіндегі мұражай сабақ

2019 жылдың 14 ақпаны күні мұражай кешенінің қызметкерлері “Солтүстік Қазақстан облысының киелі картасы” мұражай сабағын өткізді. Іс-шара барысында 7–11 сынып оқушылары облыстың киелі жерлеріне саяхат жасады.

Киелі жерлер балаларды қызықтырды, көптеген сұрақтар қойылды. Нұрбол Болатбекті қазіргі күні Айыртау ауданы, Бірлестік ауылында орналасқан қорғандардың зерттелмегені алаңдатты. Мұражай сабақтың соңында 10б сыныптың оқушысы Ыбырай Еркін “Асыл ана” әнін, мектеп тәрбиешісі Жанипа Сейтказықызы Манбетеева мен 11б сыныптың оқушысы Баскакова Надежда туған жер туралы әндер орындады.

Қазақ халқының сәндік-қолданбалы өнері

13 ақпан күні “Абылай хан резиденциясы” мұражай кешенінің қызметкерлері “Дарын” мектеп-лицейінің оқушыларына “Қазақ халқының сәндік-қолданбалы өнері” атты мәдени-танымдық бағдарлама өткізді. Іс-шара барысында балалар сәндік-қолданбалы өнердің үлгілері және түрлерімен танысты. Балалар қолданбалы өнер шеберлерінің жұмыстарымен танысып, өздері де кілем тікті. Сондай-ақ, ою-өрнек түрлерін біліп, ұл бала мен қыз баланың ұлттық киімдерін оюмен безендіруді үйренді. Естелікке мектеп оқушылары ұлттық оюдың бояу қағазын алды.

Қала қонақтары

2019 жылдың 8 ақпаны күні “Абылай хан резиденциясы” мұражай кешеніне Петропавл қаласына, біліктілікті арттыру курстарына Астана қаласының, Ақмола, Қостанай және Қарағанды облыстарының жедел-криминалистикалық бөлімшелердің қызметкерлері экскурсияға келді. Сондай-ақ, мұражайда Алматы қаласының қонақтары болып қайтты.

Мұражай қонақтары Ұлы Мемлекет қайраткері, ержүрек қолбасшы, көреген саясатшы Абылай ханның өмірінің басты оқиғаларымен танысты. Ұлы хан Абылайдың қызметінің арқасында қазақ халқы өзінің ұлттық сана-сезімін, дәстүрін, тарихы мен мәдениетін сақтап қалды.

Шетелдік қонақтардың сапары

05 февраля 2019 года в рамках рабочего визита делегации вооруженных сил Соединенных Штатов Америки, а также международного сотрудничества Северо-Казахстанской области и приграничных областей Российской Федерации, наш музей посетили зарубежные гости.

Булаев қаласында өткен мұражай сабақ

Қасиетті орындардың мәні мен мағынасы әрбір жаңа ұрпаққа өз халқының рухына енуге көмектеседі, өзін мәңгілік тарихтың бір бөлігі ретінде сезіну –бүгінгі күні де жалғасып жатқан тарих.

2019 ж. 31 қаңтар мұражай кешенінің қызметкерлері М. Жұмабаев ауданының тарихи-өлкетану мұражайында “Солтүстік Қазақстан облысының Сакралды картасы” атты мұражай сабағын өткізді. Балалар облыс аумағындағы киелі жерлермен танысты.