Мектепке дейінгі балаларда патриоттық сезімді тәрбиелеу

2018 жылдың 05 желтоқсаны күні “Абылай хан резиденциясы” мұражай кешеніне “Алпамыс” балабақшасының тәрбиеленушілері экскурсияға келді. Патриоттық тәрбие – кішкентай азаматтардың ең негізгі тәрбиелерінің бірі.

Өз туған өлкеңе, еліңе деген махаббат сезімін қалыптастыруда мұражай қабырғасындағы қазақ халқының тарихы мен дәстүрін тану тиімді болып келеді. Экскурсия барысында балалар тек тыңдаушылар мен көрермен ғана емес, сондай-ақ, эмоционалды қатысушы болды. Балалар мұражай экспозициясымен қызыға танысып, туған жердің мәдениеті, тұрмысы, тарихынан кеңірек мәлімет алды.

“Ұлы тұлға” дөңгелек үстелі

2018 жылдың 28 қараша күні 11:00 де “Абылай хан Резиденциясы” мұражай кешенінде Тұңғыш Президент күніне орай “Ұлы тұлға” атты дөңгелек үстел ұйымдастырылды.

Іс-шараға қала студенттері мен оқушылары қатысты. Баяндама оқығандар: СҚМУ-дің оқытушылары Б. С. Қожабекова, А. С. Жакежанова, №2 орта мектебінің тарих пәні мұғалімі К. А. Коспакбаев, сонымен қатар СҚМУ-дің II курс студенті Баширов Абай.

Іс-шара барысында Елбасының саясаты мен идеясы, ел дамуының жоспары, ел тарихы дамуында Президенттің алатын орны талқыланды.

“Ел тірігі – Елбасы”

2018 жылдың 27 қарашасы күні “Абылай хан резиденциясы” мұражай кешенінің қызметкерлері С. Радонежский құрметіндегі жеке меншік мектептің оқушыларына Қазақстан Республикасының Тұңғыш Президенті күніне арналған іс-шара өткізді. Іс-шара оқушылардың бойына қазақстандық патриотизмді тәрбилеуге, еліміздің Тұңғыш Президентінің өмірімен тереңірек таныстыруға бағытталған.

”Ұлы ханның ордасы – еліміз үшін маңызды тарихи-мәдени ошақ” атты I республикалық ғылыми-тәжірбиелік конференция

“Абылай ханның ішкі және сыртқы саясаты” сабағы

2018 жылдың 16 қарашасы күні “Абылай хан резиденциясы” мұражай кешенінде мұражай қабырғасындағы тарих сабағы атты жоба бастау алды. Петропавл қаласының №2 орта мектебімен бірлесе отырып “Абылай ханның ішкі және сыртқы саясаты” сабағы жоспарланып өткізілді.

Сабақ барысында тарих пәнінің мұғалімі Құдайберген Алтайұлы Қосақпаев балаларға материалды түсіндірудің жаңа, сондай – ақ, интерактивті әдістерін қолданды. Мұражайдың экспозиция залдары сабақты әсерлі әрі пайдалы өткізуге үлкен мүмкіндік берді. Бүгінгі таңда мұражай мен білім беру мекемелерінің өзара бірлесіп жұмыс жасауы болашақ ұрпақтың білім деңгейі мен сауаттылықтарын арттырады.